तेरा तहसील कार्यालयात अर्ज घेणे व दाखल करण्यासाठी युवक, युवतींची मोठी गर्दी होत असल्याचे वृत्त आहे. बुलढाणा तहसिल मध्ये आज मंगळवारी तोबा गर्दी उसळल्याचे दिसून आले. आज दुपारी २ वाजेपर्यंत केवळ बुलढाणा तहसीलमध्येच २९७ उमेदवारांनी अर्ज नेल्याचे तहसीलदार रुपेश खंडारे यांनी सांगितले. हे चित्र लक्षात घेता अंतिम मुदत अर्थात ६ ऑक्टोबर अखेर १५७ पदांसाठी जिल्ह्यात हजारोंच्या संख्येने अर्ज दाखल होणार आहे.
९ तारखेला छाननी होणार असून २२ ऑक्टोबर ला सकाळी ११ ते दुपारी १२.३० दरम्यान लेखी परीक्षा होणार आहे. प्रारूप निकाल २६ ला जाहीर होणार असून २७ तारखेला संध्याकाळी ५ वाजेपर्यंत उमेदवारांना आक्षेप नोंदवता येतील.ते आक्षेप त्याच दिवशी निकाली काढण्यात येणार असून ३० ऑक्टोबर ला अंतिम निकाल जाहीर होणार आहे.
मोठा महसुल जमा होणार
या भरतीमुळे शासनाच्या तिजोरीत चांगलीच भर पडणार आहे. कारण केवळ अर्जाचीच किंमत २० रुपये असून खुल्या प्रवर्गासाठी ५०० तर राखीव प्रवर्गासाठी २५० परीक्षा शुल्क आहे.
