उपलब्ध वृत्तानुसार, राजस्थानमधील शेखावाटी परिसरात राहणारा तरुण आपल्या पत्नीला घेऊन गावाबाहेरच्या एका हॉटेलात गेला होता.. हॉटेलमध्ये ते दोघे असताना त्याने आपल्या मित्राला बोलावून घेतले . सोनू शर्मा असे या मित्राचे नाव असून तो हॉटेलमध्ये आला आणि तिथे त्याने महिलेच्या पतीकडून ५०० रुपये घेतले . ५०० रुपये हातात आल्यावर पतीने धमकी देत बायकोला त्याच्यासोबत जाण्यास सांगितले.सोनूने त्यानंतर मित्राच्या पत्नीला गावाबाहेरील निर्जन ठिकाणी नेत तिच्यावर बलात्कार केला.
आपल्या पतीकडून झालेला विश्वासघात आणि त्याच्या मित्राकडून झालेला बलात्कार महिलेला सहन झाला नाही आणि तिने पोलीस ठाण्यात धाव घेतली. पती आणि मित्राविरोधात तक्रार दाखल केल्यानंतर पोलिसांनी तपासाची चक्र फिरवत दोघांनाही अटक केली. पोलिसांनी या प्रकरणातील शक्य ते सर्व पुरावे गोळा केले आहे. बलात्कार करताना आरोपीनं वापरलेल्या गर्भनिरोधक साधनांपासून ते महिलेच्या वेगवेगळ्या तपासण्यांपर्यंत अनेक बाबींचा समावेश आहे. दोन्ही आरोपींना पोलीस कोठडी सुनावण्यात आली असून पोलीस अधिक तपास करत आहेत.
