प्राप्त माहितीनुसार, धानोरा तालुक्यातील तुकूम येथील प्रफुल तोफा हा आपल्या वैयक्तिक कामासाठी जांभळीकडे दुचाकीने जात होता. अशातच दुसरी दुचाकी नवरगावमार्गे धानोरा शहराकडे येत होती. धानोरापासून अवघ्या दोन किमी अंतरावर सोडे आश्रमशाळेजवळ दोन्ही दुचाकींची समोरा-समोर धडक झाली. या अपघातात प्रफुल तोफा व देवदास पदा हे दोन्ही दुचाकीस्वार जखमी झाले.
अपघाताच्यावेळी देवदास पदा यांच्या दुचाकीवर एक महिला सुद्धा होती. मात्र, सुदैवाने सदर महिलेला दुखापत झाली नाही. घटनेची माहिती मिळताच धानोरा पोलिसांनी घटनास्थळ गाठून पंचनामा केला. पुढील तपास धानोरा पोलिस करीत आहेत.
