पोलिसांनी दिलेल्या माहितीनुसार, मातीची फळे बनविण्याचे शाळेने प्रोजेक्ट दिले होते. त्यासाठी काही मुलेमुली माती गोळा करण्यासाठी फिरत होते. शाळेकडून विद्यार्थ्यांना मातीची फळे बनविण्याचे ‘प्रोजेक्ट’ दिले होते. पीडित चिमुकलीसह वस्तीतील काही मुले व मुली माती जमा करण्यासाठी फिरत होते. कळमना परीसरात राहणाऱ्या ३३ वर्षीय महिलेची ७ वर्षांची मुलगीही ७ एप्रिलला सकाळी १० वाजता त्या मुला-मुलींसोबत फिरत होती. यादरम्यान पीडित मुलगी मागे राहिली. हे पाहून वासनांध आरोपी समीर सिद्धीकी याने तिला हेरले. ‘बेर खिलाता हू’ असे म्हणून परिसरात असलेल्या एका पडक्या टिनाचे शेडमध्ये घेवून गेला. तेथे तिच्यावर लैंगिक अत्याचार करीत होता. लहान बहीण दिसत नसल्याचे तिची मोठी बहीण शोधाशोध करीत असताना ती त्या पडक्या घरात गेली. तेथे आरोपी बलात्कार करीत असल्याचे तिला दिसले.
कोणाला काही सांगीतले तर मारण्याची धमकी आरोपीने दिली. घाबरलेल्या अवस्थेत दोघीही मुली घरी आल्या. घरी आल्यानंतर मोठ्या मुलीने आईला बहिणीसोबत घडलेला प्रकार सांगितला. याप्रकरणी दिलेल्या तक्रारीवरून कळमना पोलिसांनी आरोपीविरुद्ध विविध कलमान्वये गुन्हा नोंदवून अटक केली आहे.
