*🌨️⛈️💦🌨️⛈️💦⛈️⛈️🌨️
• गडचिरोली जिल्ह्यामध्ये, भारतीय हवामान विभाग, अंतर्गत प्रादेशिक हवामान केंद्र, नागपूर च्या जिल्हास्तरीय हवामान अंदाजानुसार, पुढील पाच दिवस दिनांक १४ ते १८ मार्च २०२३ दरम्यान आकाश आंशिक ते अंशतः ढगाळ राहण्याची अधिक शक्यता वर्तविण्यात आली आहे.
• दिनांक १५ मार्च २०२३ रोजी तुरळक ठिकाणी अति हलक्या ते हलक्या स्वरूपाचा पाऊस तसेच तुरळक ठिकाणी मेघगर्जनेसह विजांचा कडकडाट होण्याची अधिक शक्यता,
• दिनांक १६ मार्च २०२३ रोजी विरळ ठिकाणी हलक्या ते मध्यम स्वरूपाच्या पाऊस तसेच तुरळक ठिकाणी मेघगर्जनेसह विजांचा कडकडाट व सोसाट्याचा वारा (वाऱ्याचा वेग- ३० ते ४० किमी प्रती तास राहण्याची) वाहण्याची अधिक शक्यता,
• दिनांक १७ मार्च २०२३ रोजी बहुदा सर्वत्र ठिकाणी हलक्या ते मध्यम स्वरूपाच्या पाऊस तसेच तुरळक ठिकाणी गारपीट व मेघगर्जनेसह विजांचा कडकडाट व सोसाट्याच्या वारा (वाऱ्याचा वेग ३०-४० किमी प्रती तास ) वाहण्याची अधिक शक्यता,
• दिनांक १८ मार्च २०२३ रोजी बहुदा सर्वत्र ठिकाणी हलक्या ते मध्यम स्वरूपाच्या पाऊस तसेच तुरळक ठिकाणी मेघगर्जनेसह विजांचा कडकडाट व सोसाट्याचा वारा (वाऱ्याचा वेग- ३० ते ४० किमी प्रती तास राहण्याची) वाहण्याची अधिक शक्यता वर्तविण्यात आली आहे.
*कृषी सल्ला:*
• पाऊस व गारपिटीचा अंदाज लक्षात घेता रब्बी हंगामातील परिपक्व अवस्थेतील (हरभरा, गहू, मोहरी, जवस इत्यादी.) पिकाची काढणी व मळनीची कामे तत्काळ उरकून घ्यावी.
• कापणी व मळणी च्या कामास पुरेसे मनुष्यबळ उपलब्ध नसल्यास कम्बाईन हार्वेस्टर द्वारे काढणीची कामे करून घेण्यास प्राधान्य द्यावे.
• कापणी झाली असल्यास व पिक शेतामध्ये पसरले असल्यास शेतामध्ये उंचवटा असलेल्या ठिकाणी जमा करून ताडपत्री किंवा प्लास्टिक शीटच्या सहाय्याने शेतमाल झाकून ठेवावा.
• कापणी व मळणी केलेला शेतमाल पावसाच्या संपर्कात येणार नाही याची काळजी घ्यावी.
• मेघगर्जनेसह विजांची शक्यता लक्षात घेता शेतामध्ये काम करत असताना दोन व्यक्तींमध्ये जास्तीत जास्त अंतर ठेवावे. मेघगर्जनेची चाहूल लागताच तात्काळ सुरक्षित ठिकाणी आसरा घ्यावा. झाडांखाली आसरा घेणे कटाक्षाने टाळावे.
• शेळ्या, गाय, म्हैस व इतर पाळीव जनावरांना झाडाखाली न बांधता त्यांना सुरक्षित ठिकाणी बांधावे.
• जनावरांना मोकळ्या जागेत चारावयास सोडण्याचे टाळावे तसेच गोठया मधेच चारा व पाण्याची उपलब्धता करून घ्यावी.
• गोठ्याची देखभाल आणि दुरुस्तीची कामे २ दिवसामध्ये पूर्ण करावी.
• विजांच्या ठीकांनांचे निरीक्षण करण्यासाठी दामिनी - लाईटनिंग अलर्ट (Damini : Lightning Alert) या मोबाईल अॅप चा वापर करावा तसेच विजांपासून बचावासाठी अॅप मध्ये उपलब्ध असलेल्या माहितीचा उपयोग करावा.
• दामिनी - लाईटनिंग अलर्ट (Damini : Lightning Alert) हे अॅप खालील लिंक वापरून गुगल प्ले स्टोर वरून डाउनलोड करावे. https://play.google.com/store/apps/details?id=com.lightening.live.damini&hl=en_IN&gl=US
• बाजारायोग्य फळे व भाजीपाला पिकाची काढणी करून घ्यावी.
*सौजन्य:* जिल्हा कृषी हवामान केंद्र, कृषी विज्ञान केंद्र, सोणापूर गडचिरोली.