कर्जबुडव्यांच्या संपत्तीची माहिती द्या आणि 20 लाख रुपयांचं बक्षीस कमवा, SEBIची मोठी घोषणा...

🪀 कर्जबुडव्यांपासून कर्जाच्या रक्कमेची जास्तीत जास्त वसुली करण्यासाठी शेअर बाजार नियामक सेबीने (SEBI)नवीन घोषणा जाहीर केली आहे. कर्जबुडव्यांच्या संपत्तीची माहिती देणाऱ्याला सेबीकडून 20 लाखांचं बक्षीस दिलं जाणार आहे. हे बक्षीस दोन टप्प्यात देण्यात येणार असल्याची माहिती सेबीने दिली आहे. माहिती देणाऱ्याने डिफॉल्टरच्या मालमत्तेची खरी माहिती दिली तरच तो पुरस्कारासाठी पात्र मानला जाईल असंही सेबीने स्पष्ट केलं आहे.

💸 *अशी राहील बक्षिसाची रक्कम*

कर्जबुडव्यांच्या संपत्तीची माहिती देणाऱ्याला संपत्तीच्या मूल्याच्या अडीच टक्के किंवा पाच लाख रुपये रोख, यापैकी जी रक्कम कमी असेल ती देण्यात येईल. तसेच कर्जाची वसुली झाल्यानंतर थकबाकीच्या 10 टक्के किंवा 20 लाख रुपये, जी रक्कम लहान असेल ती देण्यात येणार आहे.

📄सेबीने वसुली प्रक्रियेअंतर्गत डिफॉल्टर्सच्या मालमत्तेबद्दल ठोस माहिती देणाऱ्या माहिती देणाऱ्यांना बक्षीस देण्याबाबत मार्गदर्शक तत्त्वे जारी केली आहेत. माहिती देणाऱ्याने दिलेल्या मालमत्तेची माहिती दिल्यास त्याला दिलेली बक्षीस रक्कम गोपनीय ठेवली जाईल असं सेबीनं म्हटलं आहे.